Maafisa wa polisi, walinzi wa gereza wafumaniwa wakiiba hela kwenye kiotomotela ▷ Kenya News

Maafisa watatu wa polisi na walinzi wawili wa magereza walifumaniwa Jumanne, Oktoba 8 usiku wakijaribu kuiba hela kutoka kwa kiotomotela kaunti ya Machakos.

Mlinzi anayeshika doria katika benki ya KCB Machakos aliitisha msaada wa dharura baada ya kushuku jambo lisilo la kawaida lilikuwa likiendelea mahali hapo.

Habari Nyingine: Shoo ya Chipukeezy yafikia hadhi ya kimataifa baada ya kufutwa na Ebru TV

Maafisa wa polisi, walinzi wa gereza wafumaniwa wakiiba hela kwenye kiotomotela

Maafisa wa polisi, walinzi wa gereza wafumaniwa wakiiba hela kwenye kiotomotela.Picha: Babeto Ogutu
Source: Original

Maafisa wa polisi waliwasili mahali hapo mara moja na kuwakamata watu watano ambao inasemekana ni polisi wanaohudumu katika vituo tofauti kwa mujibu wa Nairobi News.

Maafisa hao walitambulika kama Koplo Richard Wambua kutoka kituo cha polisi cha Murang’a, Boniface Wambua anayehudumu Nairobi na Cyprian Odundo kutoka Machakos.

Walinzi wa magereza walitambuliwa kama Julius Mwalili kutoka makao makuu ya magereza na Musyoki Mutua anayehudumu katika afisi ya kamanda wa magereza jijini Nairobi.

Habari Nyingine: Hajji, Kinoti wapongeza kanisa la Kikatoliki kupiga marufuku michango ya pesa taslimu kanisani

Maafisa wa polisi, walinzi wa gereza wafumaniwa wakiiba hela kwenye kiotomotela

Mlinzi anayeshika doria katika benki ya KCB Machakos aliitisha msaada wa dharura baada ya kushuku jambo lisilola kawaida lilikuwa likiendelea mahali hapo. Picha: The Conversation
Source: Depositphotos

Kulingana na ripoti ya polisi, Mwalili alinaswa na Ksh 168,600 kwenye gari lake ambazo alishindwa kueleza ni za nini.

Vile vile maafisa hao walipatikana na KSh 100,000.

Gari la aina ya Toyota Noah lenye usajili wa KCB 223U lilipatikana limeegeshwa nje ya benki huku kofia ya mmoja wa maafisa hao ikiwemo ndani ya gari hilo.

Washukiwa wote watano wanazuiliwa huku uchunguzi ukiendelea.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Subscribe to watch new videos