Home General News Murathe asema atampigia Raila debe aingie Ikulu 2022 ▷ Kenya News

Murathe asema atampigia Raila debe aingie Ikulu 2022 ▷ Kenya News

2
0

Siasa za urais mwaka wa 2022 zinaendelea kushika kasi licha ya Rais Uhuru Kenyatta kuwataka viongozi kukoma kurindima siasa hizo kwani zitahujumu juhudi za maendeleo.

Aliyekuwa mwenyekiti wa chama cha Jubilee David Murathe amesema yeye yuko nyuma ya Raila Odinga kwenye kampeini za urais mwaka huo.

Habari Nyingine: Khalwale asimulia jinsi alivyowakwepa polisi kwa kujifanya mpishi wa hoteli

Murathe asema atapigia debe Raila kuingia Ikulu 2022

Aliyekuwa mwenyekiti wa Jubilee David Murathe amesema ataunga mkono Raila odinga 2022. Picha: Standard
Source: UGC

Akiongea wakati wa kusherekea siku ya kuzaliwa ya mwanahabari Tony Gachoka, mwanasiasa huyo alisema mabadiliko ya katiba ni lazima liwe liwalo.

“Hata wakisema BBI ni beba baba Ikulu, mimi niko hapo ndani,” alisema.

“BBI ikisema kutakuwa na rotational president na itaanzia Murang’a, haka Ndindi katakataa?” aliongeza

Habari Nyingine: Vigogo wa siasa kutiwa mbaroni kuhusu msitu wa Mau

Murathe asema atapigia debe Raila kuingia Ikulu 2022

Mbunge Ndindi Nyoro ambaye amekuwa akipinga timu ya BBI ambayo inapendekeza mageuzi ya kikatiba. Picha: Nation
Source: UGC

Murathe amekuwa akimpinga Naibu Rais William Ruto na ndoto yake ya kuwania urais 2022.

“Kama kuna mtu anaweza kuzuia Naibu Rais William Ruto kushinda urais, ni aliyekuwa Waziri Mkuu. Hakuna mtu mwingine.,” alisema.

“Kazi yetu ni kuhakikisha huyo jamaa hajakuwa rais kwa sababu akishinda tutaisha,” alisema

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Subscribe to watch new videos